माणसा तुझे मी इथे गीत गावे
असे गीत गावे तुझे हित व्हावे IIधृII
असे गोड नाते तुझ्याशी जडावे
तुझ्या संकटाशी इथे मी लढावे II१II
तुझ्या भुकेचे कोडे उलगडावे
तुझे दुःख सारे गळुनी पडावे II२II
एकाने हसावे लाखाने रडावे
असे विश्व आता इथे न उरावे II३II
इथे सारे सारे नवे पेरताना
वामनापरी मी तुझे हात व्हावे II४II
माणसा तुझे मी इथे गीत गावे
असे गीत गावे तुझे हित व्हावे...
No comments:
Post a Comment